రాప్తాడు బాలిక కుటుంబానికి విద్యాశాఖ అండ.. మణిపాల్ ఆసుపత్రిలో తమీమ్ అన్సారియా పరామర్శ

బెంగళూరు: అనంతపురం జిల్లా రాప్తాడు జెడ్పీహెచ్‌ఎస్ పాఠశాలలో తీవ్రంగా గాయపడిన బాలిక ముడగ గోపిక కుటుంబాన్ని పాఠశాల విద్యాశాఖ డైరెక్టర్ తమీమ్ అన్సారియా, ఐఏఎస్ పరామర్శించారు. బెంగళూరులోని మణిపాల్ ఆసుపత్రికి వెళ్లి బాలిక తల్లిదండ్రులను కలుసుకుని వారి పరిస్థితిని అడిగి తెలుసుకున్నారు.

ఈ సందర్భంగా బాలిక ఆరోగ్య పరిస్థితి, వైద్యులు అందిస్తున్న చికిత్స, ప్రస్తుతం కొనసాగుతున్న వైద్య సేవల గురించి ఆసుపత్రి వర్గాలను అడిగి వివరాలు తెలుసుకున్నారు. బాలిక త్వరగా కోలుకోవాలని ఆకాంక్షిస్తూ తల్లిదండ్రులకు ధైర్యం చెప్పారు.

బాలిక ఆసుపత్రి నుంచి డిశ్చార్జ్ అయ్యే వరకు విద్యాశాఖ తరఫున అన్ని విధాలా సహాయ సహకారాలు అందించాలని సంబంధిత అధికారులను తమీమ్ అన్సారియా ఆదేశించారు. బాధిత కుటుంబానికి అవసరమైన సహాయాన్ని నిరంతరం అందుబాటులో ఉంచాలని సూచించారు.

ఈ పరామర్శ కార్యక్రమంలో ఆర్జేడీ సామ్యూల్, జిల్లా విద్యాశాఖ అధికారి డాక్టర్ అయ్యుబ్ హుస్సేన్, ఏపీసీ శైలజ పాల్గొన్నారు. బాలిక ఆరోగ్య పరిస్థితిని ఎప్పటికప్పుడు పర్యవేక్షిస్తూ కుటుంబానికి అండగా ఉంటామని విద్యాశాఖ అధికారులు భరోసా ఇచ్చారు.

#MudagaGopika #Rapthadu #ZPHS #TamimAnsariya #IAS #ManipalHospital #SchoolEducationDepartment #Anantapur #EducationNews #AndhraPradesh #TeluguNews #GEETV #GEETVNews