ఏఎన్‌యూ దూరవిద్య పరీక్షల షెడ్యూల్ విడుదల.. ఈ నెల 11 నుంచి పరీక్షలు
డా. పచ్చవ గౌతమి
జీటీవి సీఈఓ
గుంటూరు: ఆచార్య నాగార్జున విశ్వవిద్యాలయం దూరవిద్యా కేంద్రం ఆధ్వర్యంలో నిర్వహించే పీజీ, యూజీ, డిప్లమా, సర్టిఫికెట్ ప్రోగ్రామ్ పరీక్షలు ఈ నెల 11వ తేదీ నుంచి ప్రారంభం కానున్నాయి. ఈ పరీక్షలు ఈ నెల 20వ తేదీ వరకు కొనసాగనున్నట్లు దూరవిద్యా కేంద్రం డైరెక్టర్ ఆచార్య వంకాయలపాటి వెంకటేశ్వర్లు, దూరవిద్యా పరీక్షల కోఆర్డినేటర్ ఆచార్య దిట్టకవి రామచంద్రన్ ఒక ప్రకటనలో తెలిపారు.
ఈ పరీక్షల్లో యూజీ ఐదో సెమిస్టర్, పీజీ నాలుగో సెమిస్టర్ పరీక్షలతో పాటు వివిధ డిప్లమా, సర్టిఫికెట్ కోర్సులు, బీఎల్ఐసీ, ఎంఎల్ఐసీ వార్షిక, సప్లిమెంటరీ పరీక్షలు నిర్వహించనున్నట్లు వెల్లడించారు.
పరీక్షలు ప్రతిరోజూ ఉదయం 8 గంటల నుంచి 11 గంటల వరకు ఒకే సెషన్‌లో జరుగుతాయని అధికారులు స్పష్టం చేశారు. పరీక్షల నిర్వహణ కోసం రాష్ట్రవ్యాప్తంగా మొత్తం 50 పరీక్ష కేంద్రాలను ఏర్పాటు చేసినట్లు తెలిపారు.
ఈ ఏడాది ప్రభుత్వ డిగ్రీ కళాశాలలు, ప్రభుత్వ జూనియర్ కళాశాలలు, ప్రభుత్వ గుర్తింపు పొందిన ఎయిడెడ్ కళాశాలల్లో మాత్రమే పరీక్షలు నిర్వహించనున్నట్లు పేర్కొన్నారు. విద్యార్థులు పరీక్షల తేదీలు, సమయాలు, పరీక్ష కేంద్రాలకు సంబంధించిన వివరాలను ముందుగానే తెలుసుకుని పరీక్షలకు హాజరుకావాలని అధికారులు సూచించారు.
#ANU #AcharyaNagarjunaUniversity #ANUDistanceEducation #ANUExams #UGExams #PGExams #DistanceEducation #Guntur #EducationNews #APEducation #TeluguNews #GEETV #GEETVNews
